Абсалютны трыумф

• Уладзімір Горбач
• 4.11.2026, 14:16

Усе будуць паскараваць сыход Трампа са сцэны, нават рэспубліканцы.

Амерыка — не безнадзейная. Дэмакратычная партыя ЗША гэтай ноччу здабыла абсалютную перамогу, якую для іх не маглі прадказаць нават самыя аптымістычныя апытанні. Падлік галасоў яшчэ працягваецца, аднак дэмакраты ў Злучаных Штатах заканчваюць гэтую гонку з прыблізна 250 месцамі ў Кангрэсе — найбольшай большасцю за апошнія дваццаць гадоў — і з шэрагам неверагодных перамог у Сенаце, у прыватнасці ў штатах, у якіх яны не перамагалі дзесяцігоддзямі.

Напрыклад, Тэхас — упершыню за 38 гадоў, Канзас — упершыню за больш як 90 гадоў, Паўднёвая Караліна — упершыню за амаль 30 гадоў… Да выбараў у рэспубліканцаў у Сенаце было 53 месцы супраць 47, і каб атрымаць большасць, дэмакратам трэба было адваяваць чатыры мандаты, а яны атрымалі шэсць.

Гэтая перамога адбылася не таму, што яны дэмакраты, а таму, што цяпер яны супрацьвага — самі ведаеце каму і чаму...

Прэзідэнт ЗША Дональд Трамп, каментуючы галасаванне, заявіў журналістам, што чакаў лепшых вынікаў ад сваёй каманды і крыху здзіўлены тым, што, нягледзячы на шматлікія мітынгі і падтрымку выбаршчыкаў, частка кандыдатаў ад рэспубліканцаў так і не змагла перамагчы.

Вынікі прамежкавых выбараў таксама разглядаюцца як паказчык падтрымкі палітыкі дзейнага прэзідэнта напярэдадні наступных прэзідэнцкіх выбараў у 2028 годзе. Такім чынам, Дональд Трамп пацярпеў гістарычную паразу. І апошнія два гады яго прэзідэнцтва будуць прысвечаныя бесперапынным расследаванням супраць яго, яго сям'і, дарадцаў і паплечнікаў, праводзімымі камітэтамі Кангрэса пад кантролем дэмакратаў.

Дзейны прэзідэнт больш не можа прызначаць суддзяў, не можа прасоўваць заканадаўства, і нават яго магчымасці прасоўваць міжнародныя пагадненні даволі абмежаваныя — цяжка ўявіць, каб гэты Кангрэс ухваліў нейкае яго «пагадненне» — а насамрэч здзелку — з расійскім дыктатарам Уладзімірам Пуціным.

Скажу болей: яго «пасярэдніцкія намаганні» па ўрэгуляванні расійска-ўкраінскай вайны цяпер гэтак жа пойдуць упустую...

Нікога і ні да чаго ён ужо прымусіць не зможа. Усе будуць чакаць яго сыходу з палітычнай сцэны і паскараваць гэты працэс усімі сродкамі. Усе, уключаючы рэспубліканцаў.

Уладзімір Горбач, палітычны аналітык, УНІАН