Памёр італьянскі рэжысёр Цінта Брас

• 4.11.2026, 21:11

Ён аўтар культовых стужак «Калігула» і «Салон Кіці».

Італьянскі кінарэжысёр Цінта Брас (сапраўднае імя — Джавані Брас) памёр ва ўзросце 93 гадоў. Пра яго смерць агенцтву ANSA паведамілі жонка Кацярына Варцы і дзеці, Боніфацыё і Беатрычэ Брас.

Сям'я Браса ўдакладніла, што плануе правесці пахаванне ў вузкім прыватным коле.

Цінта Брас нарадзіўся ў Мілане 26 сакавіка 1933 года. Скончыў прававы каледж, пасля пераехаў у Парыж, дзе працаваў у архіве фільмаў Cinematheque Franсaise.

Вярнуўшыся на радзіму, спачатку працаваў асістэнтам рэжысёра, у прыватнасці ў Альбэрта Кавальканці і Робэрта Расэліні. Потым спрабаваў сябе ў розных жанрах кіно, уключаючы камедыі і вестэрны, аднак вядомасць яму прынёс жанр эратыкі. Яго аўтарству належаць стужкі «Калігула», «Парушаючы забароны», «Салон Кіці», «Міранда», «Падглядальнік» і іншыя.

У 1997 годзе рэжысёр зняў рэкламны ролік для маркі ніжняй бялізны Infiore з актрысай Монікай Белучы.

Апошняя карціна Браса — кароткаметражка Hotel Courbet — выйшла ў 2009-м. У 2010 годзе рэжысёр перанёс інсульт.

З 1957 года ён быў жанаты з Кларэ Чыпрыяні, у іх нарадзіліся двое дзяцей. У 2006 годзе жанчына памерла. У 2017-м 84-гадовы Брас ажаніўся з Кацярынай Варцы.