Меланія Трамп: Я спадзяюся, што аперацыя ў Алешках прывядзе да больш маштабнага міру

• 5.11.2026, 19:38

Першая лэдзі ЗША правяла сустрэчу ў Белым доме з удзелам Украіны і РФ.

Першая лэдзі ЗША Меланія Трамп праводзіць у Белым доме выступленне, прысвечанае гуманітарнай аперацыі ў Алешках. Раней яна анансавала, што на гэтым мерапрыемстве адбудзецца асабістая сустрэча прадстаўнікоў Расіі і Украіны.

«Я спадзяюся, што аперацыя ў Алешках прывядзе да больш маштабнага міру. Кожная значная трансфармацыя пачынаецца з маленькай іскры», — сказала яна ў сваім выступленні.

Меланія Трамп перадала прадстаўнікам Расіі і Украіны лісты для Уладзіміра Пуціна і Уладзіміра Зяленскага. Пра гэта паведаміў Белы дом па выніках сустрэчы 5 лістапада.

Паводле паведамлення, Трамп перадала лісты самым высокапастаўленым з прысутных прадстаўнікоў дзвюх краін па завяршэнні свайго выступлення. Змест пасланняў Белы дом не раскрыў.