Reuters: Сям'я Трампа і Маск могуць стаць фігурантамі расследаванняў з боку дэмакратаў

• 5.11.2026, 21:38

Разбіральніцтвы таксама закрануць шэраг супрацоўнікаў Белага дома.

Палітыкі з Дэмакратычнай партыі ЗША рыхтуюцца ініцыяваць расследаванне дзеянняў Дональда Трампа на пасадзе прэзідэнта. У разбіральніцтвы могуць быць уцягнутыя кіраўнік SpaceX Ілон Маск і чальцы сям'і амерыканскага лідара, паведаміла агенцтва Reuters са спасылкай на каментары дзясяткаў кангрэсменаў, юрыстаў і палітычных кансультантаў.

Прадстаўнікі Дэмпартыі раней заклікалі неадкладна ініцыяваць працэдуру імпічменту Трампа пасля прамежкавых выбараў 3 лістапада. Аднак яны вырашылі спачатку сабраць юрыдычныя падставы для разбіральніцтваў, адзначаецца ў матэрыяле. Сярод патэнцыйных фігурантаў расследаванняў агенцтва згадвае сыноў прэзідэнта, Маска і шэраг супрацоўнікаў Белага дома.

«Мы чакаем правядзення велізарнага аб'ёму агрэсіўных і маштабных расследаванняў, якія будуць накіраваныя як на адміністрацыю [прэзідэнта ЗША], так і на прыватны сектар», — сказала спецыяліст амерыканскай фірмы Arnold & Porter па наглядзе за дзейнасцю Кангрэса ЗША Рэйчэл Коттан.