Ніжняя палата Кангрэса Парагвая адобрыла імпічмент прэзідэнта

• 5.11.2026, 22:58

Сам Сант’яга Пэня абвясціў, што сыходзіць у адстаўку.

Чальцы Палаты дэпутатаў Парагвая адобрылі працэдуру імпічменту прэзідэнта Сант’яга Пэні. Канчатковае рашэнне аб запуску працэдуры будзе прымаць Сенат — другая палата парагвайскага парламента.

Сам Пэня каля гадзіны таму абвясціў, што сыходзіць у адстаўку пасля таго, як у краіне пачаўся фінансавы крызіс. Парламентарыі ўсклалі адказнасць на яго і на віцэ-прэзідэнта Педра Алліяна. Аднак вотум недаверу адносна другога адклікалі з-за недахопу галасоў.

Фінансавы крызіс, што перарос у палітычны, звязаны са спыненнем працы Ueno Bank — найбуйнейшага ў краіне лічбавага банка, які абслугоўвае каля 60% дарослага насельніцтва краіны. Цэнтральны банк на пачатку лістапада запусціў працэдуру банкруцтва кампаніі: рэгулятар прызнаў арганізацыю неплацежаздольнай. Сам Пэня да сакавіка 2025 года быў дзелавым партнёрам Grupo Vzquez, якой належыць банк.