Беларус стаў зоркай Сеціва, выканаўшы песню Майкла Джэксана

• 6.11.2026, 17:48

Ролік ужо паглядзелі 1,8 мільёна разоў

На чыгуначным вакзале Гомеля мужчына сеў за піяніна і выканаў славутую песню Billie Jean Майкла Джэксана. Відэа з яго выступленнем стала папулярным у TikTok: ролік ужо паглядзелі 1,8 мільёна разоў, а колькасць лайкаў наблізілася да 460 тысяч, паведамляе onliner.by.

Аўтар відэа — карыстальнік TikTok пад нікам Дальнобой Маэстро. Ён расказаў, што калісьці яго навучыў іграць гэтую кампазіцыю таварыш, з якім яны разам вучыліся ў музычным вучылішчы.

Паводле слоў мужчыны, той музыкант быў сляпы, а акорды Billie Jean засталіся ў яго яшчэ са студэнцкіх часоў.

Піяніна, на якім сыграў аўтар роліка, з'явілася на першым паверсе гомельскага чыгуначнага вакзала ў чэрвені 2026 года. Інструмент стаў часткай культурнай прасторы, якую пачалі ствараць у залах чакання.