Гэта нейкая ганьба

• 6.11.2026, 18:38

Беларусы паднялі пытанне пра прадукты ў крамах.

Брэсцянку здзівіла якасць прадуктаў у адной з крам абласнога цэнтра.

«Сёння вырашыла схадзіць па бульбу ў «Маяк» на Маскоўскай, — піша яна. — Была вельмі ўражана бульбай і буракамі.

Як крама можа прымаць такую гародніну? Бульба абгрызеная пацукамі, гнілая, зялёная. Бурак зморшчаны, ледзь дыхае. Ганьба! Дарэчы, пайшла я без бульбы. Там нават на суп няма чаго выбраць».

Брэсцяне, як заўважыў сайт Charter97.org, распавялі, што ў іншых крамах горада — падобная сітуацыя.

«Вы яшчэ не бачылі, якая гародніна ў «Копеечцы» на Гродзенскай, Брэст», — напісаў адзін з жыхароў Брэста.