Netflix анансаваў прыквел «Вельмі дзіўных спраў»

• 6.11.2026, 19:33

Відэа.

Стрымінгавая платформа Netflix прадставіла першы тызер новага праекта ва сусвеце «Вельмі дзіўных спраў» — серыяла Other Worlds: A Stranger Things Adventure. Прэм’ера запланаваная на 2028 год. Дзеянне разгортваецца ў 1950-х, задоўга да падзей арыгінальнага шоу. Здымкі пройдуць у штаце Нью-Мексіка.

Сцэнар напісала Кейт Трэфры, аўтарка тэатральнага прыквела «Вельмі дзіўныя справы: Першая цень» — пастаноўкі пра мінулае Генры Крыла, будучага Векны. Трэфры стане шоуранэркай і выканаўчай прадзюсаркай разам з братамі Даферамі і рэжысёрам Джо Райтам, які здыме першыя тры эпізоды. Мэт і Рос Даферы назвалі праект «вельмі дзіўным, але асвяжальна новым» — з іншым антуражам, героямі і зладзеямі. Раней Мэт Дафер згадваў, што ў спінофе можа быць раскрытая гісторыя каменя, знойдзенага юным Генры Крылам у пячорах Невады.

З 2016 года франшыза прынесла эканоміцы ЗША больш за $1,4 млрд і звыш 8 тыс. працоўных месцаў. З 2020 па 2025 год шоў прынесла Netflix глабальны даход вышэй за $1 млрд і больш за 2 млн новых падпісчыкаў.