Bloomberg: Іран гатовы абмеркаваць з ЗША ядзерную праграму

• 6.11.2026, 19:56

Раней гэтая тэма выключалася Тэгеранам з парадку дня.

Улады Ірана выказалі гатоўнасць абмеркаваць з амерыканскім бокам пытанні, што датычацца ядзернай праграмы краіны — тэмы, якая раней выключалася з парадку дня. Пра гэта агенцтву Bloomberg паведаміў знаёмы з ходам перамоваў дыпламат, які пажадаў застацца ананімным.

Паводле слоў крыніцы, Іран разглядае прапановы, прадстаўленыя Катарам, які выступае пасярэднікам у перамовах.

Канцылярыя эміра Катара паведаміла, што шэйх Тамім бін Хамад Аль Тані і прэзідэнт ЗША Дональд Трамп абмеркавалі намаганні па ўрэгуляванні рознагалоссяў паміж ваюючымі бакамі.

«Яго высокасць эмір і прэзідэнт ЗША абмеркавалі апошнія падзеі ў міжнародным парадку дня, у прыватнасці намаганні Катара, скіраваныя на пошук кампрамісу паміж зацікаўленымі бакамі і падтрымку перагаворнага працэсу — часткі шляху ба паўнавартаснай дамовы, якая пакладзе канец крызісу і забяспечыць бяспеку і стабільнасць у рэгіёне», — гаворыцца на сайце канцылярыі.

Напярэдадні Трамп правёў першую пасля прамежкавых выбараў нараду з дарадцамі па нацыянальнай бяспецы, прысвечаную Ірану. Паводле Axios, амерыканскі лідар разглядае тры варыянты развіцця канфлікту: нанесці новыя ўдары, узмацніць эканамічны ціск на Тэгеран або заключыць пагадненне, якое прадугледжвае істотныя саступкі Ірану.

Трамп дадаў, што «аддаваў бы перавагу не разбураць астатнюю частку краіны», але не выключыў такой магчымасці.