Трамп змяніў кіраўніка апарату Белага дома

• 6.11.2026, 22:38

Апарат узначаліў дарадца прэзідэнта ЗША Стывен Мілер.

Дарадца прэзідэнта ЗША Стывен Мілер змяніў С’юзан Уайлс на пасадзе кіраўніка апарату Белага дома. Пра гэта паведаміў прэзідэнт ЗША Дональд Трамп.

«Стывен Мілер, які цяпер займае пасаду намесніка кіраўніка апарату ў адміністрацыі Трампа і з’яўляецца адным з маіх найбольш давераных дарадцаў, уступіць на пасаду кіраўніка апарату», — напісаў Трамп у Truth Social. Стывен Мілер прыступіць да працы 9 лістапада.

Уайлс перайдзе ў палітычны штаб прэзідэнта. «Хачу падзякаваць ёй за службу на пасадзе кіраўніка апарату — яна выдатна справілася са сваёй задачай!», — дадаў Дональд Трамп.

Паводле даных Financial Times, яе сыход звязаны з паражэннем рэспубліканцаў на прамежкавых выбарах у Кангрэс.