У Эстонію прыбыла новая ротацыя амерыканскіх вайскоўцаў

• 7.11.2026, 9:56

Папярэдняе падраздзяленне ЗША пакінула краіну летам.

У Эстонію прыбыла новая ротацыя вайскоўцаў ЗША, якія знаходзяцца ў краіне больш за тыдзень. Гэта пацвердзілі як пасольства ЗША ў Эстоніі, так і міністр абароны Мартын Херэм.

«Пацвярджаем прысутнасць падраздзялення Apache Troop 5-га эскадрона 4-га кавалерыйскага палка арміі ЗША для праходжання планавой дзевяцімесячнай ротацыі ў Эстоніі», – сказала ERR прадстаўніца пасольства ЗША Кэлі Лонг.

«Афіцыйная цырымонія прыняцця падраздзяленнем на сябе задач, падчас якой яно ўздыме свой сцяг у знак афіцыйнага пачатку прысутнасці ва ўсіх краінах Балтыі, адбудзецца пазней у гэтым месяцы ў Літве», – дадала яна.

Міністр абароны Мартын Херэм паведаміў, што перадавая група падраздзялення і вайсковая тэхніка знаходзяцца ў Эстоніі ўжо больш за тыдзень.

Папярэдняе амерыканскае падраздзяленне пакінула Эстонію летам. Тады дакладная дата прыбыцця наступнай ротацыі заставалася невядомай.

Тадышні міністр абароны Ханно Певкур казаў, што перапынак у прысутнасці амерыканскіх войскаў звязаны з пераглядам Пентагонам структуры сіл у Еўропе.