ЗСУ нанеслі прыцэльны ўдар па пускавых установках «Іскандэр» у Бранскай вобласці РФ

• 7.11.2026, 13:11

Паражаны таксама зенітны комплекс «Панцыр-С1».

Сілы абароны Украіны на працягу 6 лістапада і ў ноч на 7 лістапада нанеслі ўдары па шэрагу ваенных аб’ектаў Расійскай Федэрацыі і на часова акупаваных тэрыторыях.

Пра гэта паведаміў Генеральны штаб ЗСУ.

У Бранскай вобласці, у прыватнасці, былі паражаныя дзве пускавыя ўстаноўкі аператыўна-тактычнага ракетнага комплексу «Іскандэр». Маштабы нанесенай шкоды ўдакладняюцца. У Генштабе адзначылі, што знішчэнне такіх установак зніжае магчымасці расійскай арміі наносіць балістычныя ўдары па ўкраінскіх гарадах.

Акрамя таго, у гэтым жа рэгіёне пад удар трапіў зенітны комплекс «Панцыр-С1», прызначаны для абароны ключавых расійскіх аб’ектаў ад украінскіх глыбінных удараў.

На часова акупаванай Луганшчыне ўкраінскія вайскоўцы паразілі склады матэрыяльна-тэхнічных сродкаў арміі акупантаў у раёнах Сакалогорска і Заайдараўкі.

У Запарожскай вобласці, непадалёк ад Навабагданаўкі, мэтай стала месца канцэнтрацыі аператараў расійскіх беспілотнікаў.