Аэрастаты парушылі паветраную прастору Малдовы

• 7.11.2026, 14:18

У Міністэрстве абароны краіны раскрылі падрабязнасці.

7 лістапада Міністэрства абароны Малдовы паведаміла пра два выпадкі парушэння паветранай прасторы краіны аб’ектамі тыпу аэрастата.

Пра гэта паведамляе Newsmaker.

Паводле звестак міністэрства, першы выпадак зафіксавалі 7 лістапада а 09:15. Аэрастат праляцеў над тэрыторыяй Малдовы ў раёне вёскі Мошаны Дрокіеўскага раёна. А 09:22 ён пакінуў паветраную прастору краіны паблізу вёскі Елізаветаўка таго ж раёна.

Другі выпадак зарэгістравалі а 10:35. Яшчэ адзін паветраны шар незаконна перайшоў дзяржаўную мяжу з боку ўкраінскай Вінніцы ў напрамку вёскі Трыфаўцы Сарокскага раёна. Ужо а 10:36 аб’ект пакінуў паветраную прастору Малдовы паблізу вёскі Русланаўка таго ж раёна.

У Міністэрстве абароны паведамілі, што Цэнтр паветраных аперацый працягвае сачыць за сітуацыяй у паветранай прасторы краіны.