Піск юродзівага

• Аляксандр Неўзораў
• 8.11.2026, 5:20

Усё пачалося з даносу дробненькага стукача.

Услед за лялькай Барбі ворагам расійскага народа абвешчана піца.

Усё пачалося з даносу дробненькага стукача. Ён прашыпеў пра антыскрэпнасць і неправаслаўнасць «агіднай варожай ляпёшкі».

Ну і запатрабаваў забароны піцы на ўсёй тэрыторыі РФ.

Гэта магло б застацца адзінокім піскам юродзівага, аднак анекдот раздулі да памераў афіцыйнай дзяржаўнай палітыкі.

Услед за стукачом загаласіла дарадца прэзідэнта РФ таварыш Ямпольская.

Яна «пашырыла і паглыбіла» анафему варожаму прадукту, прапанаваўшы «неадкладна забараніць піцу, прынамсі пакуль у школах».

Піцы не месца ў расійскіх школах, заявіла дарадца прэзідэнта РФ Алена Ямпольская:

«Я думаю, што піца — дакладна не тая ежа, якая павінна прысутнічаць у навучальных установах. Яна не карысная для вучняў.

Разам з тым, калі гаворка ідзе пра дзяржаўныя дзіцячыя сады, пра дзяржаўныя школы, яны, вядома, павінны падзяляць дзяржаўную палітыку ў любой сферы».

Аляксандр Неўзораў, «Тэлеграм»