Дональд Туск: У доме тэрарыста знайшлі тры трупы

• 8.11.2026, 1:09

Гэта яго родзічы.

Прэм'ер-міністр Польшчы Дональд Туск заявіў, што ў доме 24-гадовага Міхала О., падазраванага ў масавым забойстве на Рыначнай плошчы Кракава, выявілі мёртвых людзей, перадае TVN.

Паводле слоў Туска, там знайшлі трупы двух жанчын і аднаго мужчыны. Дом знаходзіцца ў Астравцы-Свентакшыскім — родным горадзе падазраванага. Цяпер там ідуць вобшукі.

Дональд Туск пацвердзіў на прэс-канферэнцыі, што паліцыя праводзіць вобшук у доме 24-гадовага Міхала О., падазраванага ў стральбе на Рыначнай плошчы Кракава. Дом знаходзіцца ў Астравцы-Свентакшыскім — родным горадзе мужчыны. У яго доме, паводле слоў Туска, знайшлі трупы двух жанчын і аднаго мужчыны: відаць, гэта чальцы яго сям'і — бацька, маці і сястра.

«Спадзяюся, што паліцыя знойдзе магчымых саўдзельнікаў нападніка», — заявіў Туск на брыфінгу.

Выданне Echo Dnia паведаміла, што ў Астравцы-Свентакшыскім працуюць супрацоўнікі паліцыі Свентакшыскага і Малапольскага ваяводстваў, а таксама падраздзяленні па барацьбе з тэрарызмам. Вобшукі праводзяцца па некалькіх адрасах, у тым ліку ў доме сям'і падазраванага ў гміне Васнюў і па месцы яго пражывання ў Астравцы-Свентакшыскім.

Ля будынка паліцэйскага ўпраўлення ў горадзе заўважылі фургон без распазнавальных знакаў. Вобшук праходзіць у кватэры, дзе, меркавана, пражываў 24-гадовы мужчына.