Трамп зрабіў заяву аб імпічменце

• 9.11.2026, 10:56

Прэзідэнт ЗША гатовы супрацоўнічаць з дэмакратамі.

Прэзідэнт ЗША Дональд Трамп заявіў, што не ўяўляе, каб дэмакраты зноў распачалі супраць яго працэдуру імпічменту. Пра гэта ён сказаў у інтэрв’ю CBS.

Журналісты спыталі Трампа, ці лічыць ён, што дэмакраты зноў пачнуць імпічмент. «Я не магу гэтага сабе ўявіць. Дык што ж я такое зрабіў? За маімі плячыма — найлепшыя два гады за ўсю гісторыю прэзідэнцтва», — адказаў ён.

Трамп таксама сказаў, што заслужыў найвышэйшую ацэнку за ўмацаванне мяжы і што яго высока цэняць за высылку з краіны небяспечных асобаў. Пры гэтым, паводле яго слоў, ён нешта страчвае з-за гэтага, бо дэпартавалі і тых, хто меў добрую працу, а іх адзіным парушэннем закона быў нелегальны ўезд. «Я лічу, што за ўмацаванне мяжы я заслужыў найвышэйшую ацэнку. Мяне таксама вельмі высока цэняць за тое, што я дамогся высылкі з краіны небяспечных асобаў. Але ў той жа час я страчваю ад гэтага, паколькі мы таксама дэпартавалі людзей, у якіх была добрая праца, а іх адзіным праступкам — адзіным парушэннем закона — было тое, што яны нелегальна ўехалі ў краіну», — сказаў прэзідэнт.

Ён запэўніў, што гатовы супрацоўнічаць з дэмакратамі па пытанні іміграцыі.

Раней сайт Charter97.org паведамляў, што дэмакраты пасля перамогі на выбарах у Кангрэс маюць намер абвясціць Трампу імпічмент.