У Мінску прадаюць фрукт, які не пускаюць у самалёты

• 9.11.2026, 16:43

Паўкілаграма экзатычнага далікатэсу каштуе амаль 40 рублёў.

Паспрабаваць дурыян цяпер можна, не купляючы цэлы фрукт і не выязджаючы з Мінска. У сетцы крамаў «Местное известное» заўважылі ачышчаны дурыян з В'етнама, піша Onlíner.

Паўкілаграма каштуе 39,99 рубля.

Дурыян называюць самым смуродным фруктам у свеце. Ён лічыцца далікатэсам, але пахне спецыфічна, бо змяшчае прыродную серу. Дурыян забараняюць браць з сабою ў гатэлі (за гэта нават прадугледжаныя штрафы) і ў самалёты якраз з-за паху.

Звычайна яго прадаюць цалкам, а ў такім выглядзе ў мінскіх крамах сустракаецца нячаста. Тут мякаць ужо ачышчаная і ўпакаваная ў некалькі слаёў — падобна, гэта якраз для таго, каб пах не распаўсюджваўся.

— А што з пахам? Ён трошкі прабіваецца нават праз упакоўку і можа застацца на скуры, калі ўзяць дурыян у рукі, — падзяліўся чытач.