НАТА накіроўвае свайго прадстаўніка на перамовы ў ААЭ

• 9.11.2026, 17:07

Альянс возьме ўдзел у трохбаковых перамовах.

Кіраўнік апарату і дырэктар офіса генеральнага сакратара НАТА Джэфры ван Леўвен возьме ўдзел у трохбаковых перамовах паміж Украінай, ЗША і РФ, якія адбудуцца 10–11 лістапада ў Абу-Дабі.

Пра гэта паведаміў прадстаўнік НАТА, перадае «Укрінформ».

«НАТА ў Абу-Дабі будзе прадстаўляць кіраўнік апарату генеральнага сакратара Джэфры ван Леўвен», — адзначыў суразмоўца агенцтва.

Раней член украінскай перамоўнай каманды Рустэм Умераў паведаміў, што украінская перамоўная дэлегацыя знаходзіцца ў дарозе да месца запланаваных сустрэч у Абу-Дабі, дзе павінна адбыцца трохбаковая сустрэча з удзелам прадстаўнікоў Украіны, ЗША і Расіі.

Сустрэча запланаваная на аўторак і сераду. У тыя ж дні, паводле слоў Умерава, у Абу-Дабі будуць знаходзіцца прадстаўнікі еўрапейскіх краін, у прыватнасці фармату E4 (Вялікабрытанія, Францыя, Германія і Італія), а таксама НАТА і Еўрапейскай камісіі.