Паліцэйскім, параненым пры затрыманні стралака ў Кракаве, ахвяравалі больш за мільён еўра

• 9.11.2026, 19:40

Усяго за некалькі гадзін.

Збор сродкаў для пацярпелых супрацоўнікаў паліцыі арганізаваў заснавальнік аднаго з медыяпарталаў — як паведамляе Bild, усяго за некалькі гадзін удалося сабраць суму, эквівалентную больш як мільёну еўра.

Раней польскі прэм'ер Дональд Туск назваў імёны пацярпелых паліцэйскіх — гэта Якуб Кулік і Артур Мораньскі. Паводле слоў кіраўніка ўрада, яны ўратавалі мноства чалавечых жыццяў, не зважаючы на рызыку для ўласнай бяспекі. Пасля перастрэлкі іх абодвух шпіталізавалі ў цяжкім стане. Стралак, 24-гадовы Міхал Оксіньскі, памёр у бальніцы сёння раніцай.

У выніку суботняй страляніны ў Кракаве загінулі шэсць чалавек: чацвёра грамадзян Польшчы, а таксама брытанец і аўстрыйка. Паводле апошніх звестак, пацярпелі 16 чалавек. Пазней у доме стралака паліцыя выявіла целы яшчэ трох чалавек: яго бацькоў і сястры.