Mercedes-Benz пачне трансляваць відэа на лабавым шкле аўтамабіля

• 9.11.2026, 20:18

Аўтаканцэрн прадставіў шэраг тэхналагічных распрацовак.

Mercedes-Benz прадставіў шэраг тэхналагічных распрацовак, якія разлічвае ўкараніць у найбліжэйшай будучыні ў серыйныя аўтамабілі. Сярод іх — галаграфічнае лабавое шкло, прызначанае для трансляцыі кантэнту на яго, паведамляе The Drive.

«Гэта стала магчымым дзякуючы праектару, убудаванаму ў прыборную панэль, і спецыяльнаму ламініраванаму лабавому шклу з убудаванымі «галаграфічнымі аптычнымі элементамі». Гэтыя элементы выбарча адлюстроўваюць пэўныя даўжыні хваль святла, якое выпраменьвае праектар, для стварэння выяў на лабавым шкле», — адзначаецца ў публікацыі.

Галаграфічныя лабавыя шкла дазволяць кантраляваць бачнасць выявы пад рознымі кутамі і зрабіць так, каб кіроўца не бачыў інфармацыю, прызначаную пасажыру, і наадварот. Нямецкі аўтавытворца плануе трансляваць на лабавое шкло інфармацыю пра славутасці, навігацыйныя падказкі і відэа. Яшчэ адна распрацоўка нямецкай кампаніі — магчымасць дубляваць на задняе шкло папераджальныя сігналы.