Украіна страціла верталёт Мі-24 падчас баявога задання

• 10.02.2026, 4:52

Экіпаж загінуў.

Падчас баявога задання загінуў экіпаж верталёта Мі-24 11-й асобнай брыгады армейскай авіяцыі «Херсон».

Пра гэта паведамляецца на старонцы брыгады ў сацыяльнай сетцы Facebook.

«З болем паведамляем пра непапраўную страту. З баявога задання не вярнуліся нашы пабрацімы — экіпаж верталёта Мі-24. Толькі найлепшыя сыны Украіны здольныя так гераічна абараняць Радзіму і адчайна біцца ў небе з акупантам. Яны былі сапраўднымі патрыётамі і годнымі Людзьмі і Афіцэрамі з вялікай літары. Гэта страта — вялікі боль... Для нас яны навекі застануцца ў небе», — гаворыцца ў паведамленні.

У брыгадзе не ўдакладнілі месца і час трагедыі.

У брыгадзе выказалі спачуванні родным і блізкім загінулых украінскіх абаронцаў.