«Гэта адназначна даляціць да Масквы»

• 10.02.2026, 13:26

Украіна прадэманстравала сілу ўдарам па Капустынім Яры.

Удар Сіл абароны Украіны па палігоне Капустын Яр з'яўляецца сімвалічным, паколькі наносіўся ў момант перамоваў з РФ у Абу-Дабі. Такую думку ў эфіры «Радыё НВ» выказаў Канстанцін Крывалап, аналітык, авіяэксперт.

«Гэта была дэманстрацыя, карта ў руках. Гэта паказала, што мы можам нанесці ўдар па Капустынім Яры, дзе даволі сур'ёзная сістэма СПА. Там ёсць і Букі, і С-300. Там нядаўна, дакладна ведаю, была і С-400. І тое, што мы змаглі правесці там гэты ўдар. Магчыма, там былі іншыя ракеты. Упэўнены, што яны, хутчэй за ўсё, былі. Можа, там былі «Паляніцы», можа, нашыя іншыя дроны, якія рабілі сваю справу, знясільвалі СПА. Але з боку расіян, што цікава, няма ніводнага паведамлення, што СПА спрацавала», - сказаў Крывалап.

Ён дадаў, што важна, што падчас атакі былі паражаныя менавіта ангары на гэтым палігоне. Бо ў іх адбываецца зборка міжкантынентальных балістычных ракет. Таксама там збіралі і выпрабоўвалі балістычныя ракеты «Іскандэр».

«Даволі дакладны ўдар на 600 км паказаў расіянам, што мы можам іх дастаць. І для іх гэта вельмі сур'ёзна. 600 км - гэта ўжо даволі далёка. І гэта тое, што адназначна даляціць да Масквы. І расіяне разумеюць, што 1000 кг - гэта 1000 кг. Яны ж не выпадкова выкарыстоўваюць ракеты Х-22, Х-32 з баявой часткай вагой у тону. Таму я думаю, што гэта нейкі новы этап гэтай вайны. Пакуль не зусім зразумела, колькі ў нас гэтых ракет «Фламінга», але тое, што яны ёсць, ужо пацверджана», - дадаў аналітык.