У мінскім аэрапорце шукаюць небяспечны вірус з Індыі

• 10.02.2026, 13:52

Уведзена падвойная праверка.

Усе пасажыры, якія прылятаюць у Мінск, праходзяць падвойную праверку тэмпературы. Пры падазрэнні на вірус Ніпах іх чакае медыцынскі агляд і ізаляцыя, паведамляе СТВ.

З дапамогай двух відаў цяплавізараў спецыялісты вызначаюць тэмпературу кожнага, хто прыбывае ў Беларусь.

«Зялёны колер, калі ўсё ў парадку, а калі ідзе павышэнне тэмпературы, то чырвоным колерам», — распавяла намесніца галоўнага ўрача Мінскага гарадскога цэнтра гігіены і эпідэміялогіі Наталля Автухова.

Пры тэмпературы 37,5 і вышэй чалавека адводзяць у медпункт для агляду, а пры падазрэнні на небяспечныя вірусы змяшчаюць у ізалятар да ўстанаўлення дыягназу. Клінічны матэрыял накіроўваюць у лабараторыю біятэхналогіі і імунадыягностыкі асабліва небяспечных інфекцый, дзе ёсць магчымасць выявіць розныя экзатычныя вірусы.

Супраць смяротнага віруса Ніпах няма лекаў і вакцын — ёсць толькі сродкі яго выяўлення. Вірус можа перадавацца чалавеку ад людзей і свіней. Але прыродных пераносчыкаў віруса — трапічных кажанаў — у Беларусі няма.

Міністэрства аховы здароўя Беларусі раіць турыстам, якія наведваюць Паўднёва-Усходнюю Азію і Афрыку:

пазбягаць кантакту з хворымі жывёламі, асабліва з кажанамі;

пазбягаць цеснага фізічнага кантакту з людзьмі, якія маюць прыкметы інфекцыйных захворванняў;

старанна мыць рукі з мылам і выкарыстоўваць антысептычныя сродкі;

мыць садавіну і гародніну перад ужываннем;

пазбягаць ужывання вады з непраўераных крыніц.