Пад Мінскам рыбак злавіў вялізнага шчупака

• 10.02.2026, 16:17

З-за памераў рыбы давялося прарубваць лункі ў лёдзе.

Звычайная паездка 9 лютага на Заслаўскае вадасховішча (Мінскае мора) для рыбака Андрэя завяршылася здабычай буйнога шчупака, памер якога здзівіў нямала бывалых рыбакоў.

Па словах рыбака, зубастая рыбіна клюнула каля 16:00, піша fishingby.com.

Улічваючы памеры рыбы, давялося нямала павозіцца з рассвідраваннем лункі, інакш яе проста немагчыма было б дастаць праз тоўсты пласт лёду.

«Рассвідраваў тры лункі каля асноўнай, адзін з рыбакоў дапамагаў рубіць лёд. Пакуль дастаў — сто потаў зышло. Давялося распрануцца на марозе да адной майкі», — расказаў Андрэй.

Вага шчупака склала 12,5 кг.