Мінздароўе Беларусі забараніла чарговыя БАДы з Расіі

• 10.02.2026, 17:57

Праверце свае аптэчкі.

Міністэрства аховы здароўя Беларусі забараніла адразу тры біялагічна актыўныя дабаўкі (БАД), вырабленыя ў Расіі. Забарона датычыцца як імпарту, так і захоўвання і перамяшчэння на тэрыторыі краіны.

У міністэрстве патлумачылі, што праверылі БАДы на адпаведнасць нормам Беларусі, і высветлілася, што ўсе яны перавысілі дапушчальны ўзровень спажывання ў 3,3 раза.

Пад забарону трапілі:

«Витамин Д3 / Vitamin D3» (ООО «Химфармконтракт»),

«Кальций хелат» (ООО «Фарминтегро»),

«Витамин D3 2000 МЕ (холекальциферол)» (АО «РеалКапс»).

У Мінздароўі нагадалі, што некантраляваны прыём БАДаў можа прывесці да сур'ёзных наступстваў для здароўя.

Што да вітаміну D, то яго лішак у арганізме значна больш сур'ёзны, чым дэфіцыт, настойваюць беларускія медыкі.

Перавышэнне нормы гэтага рэчыва можа прывесці да гіперкальцыеміі (павышэння ўзроўню кальцыю ў крыві), што выклікае млоснасць, ваніты, слабасць.