Дачка Домрачавай і Б'ёрндалена выступіць у турніры па біятлоне

• 10.02.2026, 18:21

Ёй дзевяць гадоў.

Найлепшыя юныя біятланісты Беларусі, сярод якіх будзе і Ксенія Б'ёрндален — дачка алімпійскіх чэмпіёнаў, возьмуць удзел у турніры «Снежны снайпер».

13 лютага адбудуцца шэсць спрынтарскіх гонкаў у розных узроставых групах, а 15 лютага дзеці паспаборнічаюць у мас-старце і змешаных эстафетах.

Чакаецца, што ў камандзе Мінска ў сваёй узроставай групе будзе і 9-гадовая Ксенія Б'ёрндален — дачка алімпійскіх чэмпіёнаў беларускі Дар'і Домрачавай і нарвежца Оле-Эйнара Б'ёрндалена.