У Самалі самалёт з 55 пасажырамі зваліўся неўзабаве пасля ўзлёту

• 10.02.2026, 19:49

Усе пасажыры выжылі.

Самалёт авіякампаніі StarSky з 55 пасажырамі на борце пацярпеў крушэнне праз некалькі хвілін пасля вылету з міжнароднага аэрапорта Адэн-Аддэ ў Магадзіша, сталіцы Самалі, у прыбярэжнай зоне Індыйскага акіяна недалёка ад тэрыторыі аэрапорта. Пра гэта паведамляе Daily Mirror.

Паводле звестак выдання, пасля ўзлёту ў самалёта ўзніклі тэхнічныя няспраўнасці, борт вярнуўся ў аэрапорт. Пры пасадцы самалёт выкаціўся за межы ўзлётна-пасадачнай паласы, у мора. У судна пашкоджана правае крыло.

Ратавальныя службы прыбылі на месца здарэння на працягу некалькіх хвілін, узгарання ўдалося пазбегнуць. Упраўленне грамадзянскай авіяцыі Самалі паведаміла, што ўсе чальцы экіпажа і 55 пасажыраў выжылі. Пачата расследаванне прычын крушэння.

Аэрапорт часова прыпыняў працу, пасля аднавіў яе ў штатным рэжыме.