Унікальнае дасягненне: ЗСУ за адну ноч знішчылі два ЗРК «Тор-М2» расіян

• 10.02.2026, 22:48

Відэа.

Аператары Сіл беспілотных сістэм батальёна Asgard 412-й брыгады Nemesis знішчылі два зенітна-ракетныя комплексы «Тор-М2» акупантаў усяго за адну ноч.

Пра гэта паведамляе Charter97.org са спасылкай на паведамленне СБС ЗСУ ў Telegram.

«На адным з ключавых кірункаў пілоты батальёна Asgard 412-й брыгады Nemesis паразілі два зенітна-ракетныя комплексы «Тор-М2» праціўніка агульным коштам каля 50 млн долараў», — гаворыцца ў заяве.

Украінскія абаронцы нанеслі ўдар па варожай тэхніцы сродкамі middle strike (ударныя дроны сярэдняй далёкасці — 50–300+ км) на значнай адлегласці ад лініі баявога судакранання.

У СБС распавялі, што з пачатку года аператары 412-й брыгады Nemesis ужо знішчылі 13 расійскіх ЗРК і радыёлакацыйных станцый, якія ўваходзяць у склад варожай СПА.