У Фрязіне Маскоўскай вобласці падарвалі аўтамабіль з бізнесменам

• 10.02.2026, 23:06

Прама на чыгуначным пераездзе.

На чыгуначным пераездзе ў горадзе Фрязіне Маскоўскай вобласці ў аўтамабілі, у якім знаходзіўся мужчына, выбухнула неўстаноўленая прылада, паведамілі РБК у прэс-службе абласнога СК РФ.

У выніку інцыдэнту пацярпелы атрымаў аскепкавае раненне галёнкі і быў шпіталізаваны. Крыніца РБК у праваахоўных органах удакладніла, што гаворка ідзе пра індывідуальнага прадпрымальніка. Ён сам паведаміў пра падрыў.

Па факце здарэння ўзбуджана крымінальная справа аб замаху на забойства, а таксама аб незаконным абароце выбуховых рэчываў (ч. 3 арт. 30, п. «е» ч. 2 арт. 105 і ч. 1 арт. 222.1 КК РФ).

Следчыя і крыміналісты падмаскоўнага СК прыбылі на месца здарэння. Супрацоўнікі Расгвардыі ачапілі месца здарэння. Акалічнасці здарэння высвятляюцца.