Брат і сястра са Швецыі заваявалі алімпійскае золата ў кёрлінгу

• 10.02.2026, 23:17

У фінале яны абыгралі амерыканцаў.

Шведы Ізабелла і Расмус Врано сталі алімпійскімі чэмпіёнамі па кёрлінгу ў міксце.

У фінале яны абыгралі амерыканцаў Коры Тыс і Коры Дропкіна з лікам 6:5.

Упершыню ў гэтым відзе алімпійскімі чэмпіёнамі сталі брат і сястра.

У матчы за трэцяе месца на турніры па кёрлінгу ў міксце італьянцы Амос Мозанер і Сцяфанія Канстанціні перамаглі брытанцаў Бруса Моўата і Джэніфер Додз з лікам 5:3.

Расмус Врано стаў двухразовым алімпійскім чэмпіёнам. У 2022 годзе ён узяў золата ў мужчынскіх спаборніцтвах. Яго сястра ўпершыню выступае на Алімпійскіх гульнях.