Еўропа складзе спіс саступак, якія запатрабуе ад Расіі

• 10.02.2026, 23:41

У межах урэгулявання вайны РФ ва Украіне.

Кіраўніца еўрапейскай дыпламатыі Кая Каллас заявіла, што прапануе спіс саступак, якія Еўропа павінна запатрабаваць ад Расіі ў межах урэгулявання вайны РФ ва Украіне, перадае Reuters.

«Усім, хто сядзіць за сталом перамоваў, уключаючы расіян і амерыканцаў, неабходна разумець, што для прыняцця рашэння патрабуецца згода еўрапейцаў. І для гэтага ў нас таксама ёсць умовы. І гэтыя ўмовы мы павінны выстаўляць не ўкраінцам, на якіх і так чыніцца моцны ціск, а расіянам», — заявіла Каллас журналістам.

Усім бакам давядзецца пайсці на саступкі для ўрэгулявання вайны ва Украіне, раней заяўляў прэзідэнт ЗША Дональд Трамп.