Трамп пагразіў Ірану вельмі «жорсткімі мерамі»

• 10.02.2026, 23:54

І яшчэ адным авіяносцам.

Калі ЗША і Іран не змогуць дасягнуць пагаднення, то Злучаныя Штаты звернуцца да «вельмі жорсткіх мер», паведаміў прэзідэнт ЗША Дональд Трамп у інтэрв’ю журналісту Бараку Равіду, перадае ізраільскі «12-ы канал».

«Я разглядаю магчымасць накіравання авіяносца ў рэгіён і дадатковых сіл», — дадаў ён.

Журналіст Axios Барак Равід, выступаючы ў эфіры ізраільскага «12-га канала», паведаміў: «Трамп сказаў мне, што, калі не ўдасца дасягнуць дыпламатычнага пагаднення з Іранам адносна яго ядзернай праграмы, ён будзе гатовы да ваенных дзеянняў», — паведаміў журналіст.

Равід дадаў, што Трамп разглядае магчымасць накіравання да Ірана другога авіяносца ў дадатак да Abraham Lincoln, а таксама дадатковых ударных караблёў і знішчальнікаў.

Трамп у тэлефоннай размове таксама заявіў, што іранцы дэманструюць значна большую гібкасць у нядаўнім раўндзе перамоў, які пачаўся на мінулым тыдні, чым у перамовах перад 12-дзённай вайной летам 2025 года, перадае Равід.