Сям'я Превц заваявала восьмую медаль Алімпіяды ў скачках з трампліна
- 11.02.2026, 7:00
Славенцы выступалі ў змяшаных камандных спаборніцтвах.
Зборная Славеніі па скачках на лыжах з трампліна заваявала золата на Алімпіядзе ў Мілане і Кортыне-д'Ампецца ў змяшаных камандных спаборніцтвах.
Ніка Водан, Анжэ Ланішэк, Ніка Превц і Дамен Превц набралі 1069,2 бала.
Другое месца занялі нарвежцы (1038,3), трэцімі сталі японцы (1034,0).
Славенцы абаранілі свой тытул алімпійскіх чэмпіёнаў у змяшаным камандным турніры. З цяперашняга складу ў Пекіне выступала толькі Водан.
Брат Нікі і Дамена Превц Петер на АГ-2014 і АГ-2022 заваяваў золата, два срэбра і бронзу, а яшчэ адзін брат Цэне быў срэбным прызёрам Гульняў-2022.