Пад смеццевым кантэйнерам у Мінску знайшлі 24 тысячы долараў

• 11.02.2026, 10:13

Гісторыя пачалася з таго, што пенсіянеру патэлефанавалі на хатні тэлефон.

У Мінску 81-гадовы пенсіянер стаў ахвярай тэлефонных махляроў і страціў 24 тысячы долараў. Мужчына сам звярнуўся ў міліцыю пасля таго, як зразумеў, што яго падманулі, піша Onliner.

Спачатку пенсіянеру патэлефанавалі на хатні тэлефон. Невядомыя прадставіліся супрацоўнікамі «вадоканала» і прапанавалі бясплатна замяніць лічыльнікі. Пад гэтым прадлогам яны папрасілі надыктаваць нумар пенсійнага пасведчання. Пасля гэтага з мужчынам звязаўся нібыта супрацоўнік Следчага камітэта. Ён паведаміў, што ў дачыненні да пенсіянера праводзіцца праверка, напалохаў магчымым вобыскам і пераканаў тэрмінова «задэклараваць» усе зберажэнні.

Спалоханы мінчук упусціў у кватэру жанчыну, якую лічыў інкасатаркай. Ён паказаў ёй месца, дзе трымаў наяўныя. Усяго гаворка ішла пра 24 тысячы долараў. Па ўказанні куратараў жанчына вынесла грошы і пакінула іх пад смеццевым кантэйнерам, адкуль іх забраў наступны ўдзельнік схемы.

Пазней аператыўнікі затрымалі 65-гадовую мінчанку. Як высветлілася, яна сама стала ахвярай махляроў і была ўпэўненая, што дапамагае пенсіянерам з інваліднасцю пазбегнуць крымінальнай адказнасці.

Па факце здарэння распачата крымінальная справа.