Пуцін страціў важнага саюзніка

• Дзяніс Паповіч
• 11.02.2026, 10:19

Якія «трумпы» засталіся ў Крэмля і калі чакаць міру?

Суровая зіма 2025–2026 гадоў завяршаецца. Сіноптыкі абяцаюць апошнюю марозную ноч, а далей — курс на вясну.

Гэта зіма стала выпрабаваннем менавіта для тылу. Абстрэлы, блэкаўты, холад у кватэрах — вораг спрабаваў зламаць грамадства і прымусіць украінцаў да капітуляцыі. Але гэты трумф мы ўжо выбіваем з іх рук.

Што далей? Апошняя спроба РФ дасягнуць мэтаў ваенным шляхам. Цяпер шмат гавораць пра вясенне-летнюю кампанію з мэтай наступу на Славянск, Краматорск і Запарожжа. І гэта цалкам верагодна па трох прычынах:

Прыкрыццё: Крэмль выкарыстоўвае перамоўны трэк толькі як дымавую заслону для падрыхтоўкі ўдараў.

Прыз: Пуціну патрэбная хоць якая-небудзь «перамога» (захоп Данбаса), каб узмацніць пазіцыі на перамовах.

Разлік на ЗША: У Маскве спадзяюцца, што Дональд Трамп адыдзе ад украінскіх спраў праз падрыхтоўку да выбараў у Кангрэс.

Ці ёсць у іх рэсурсы?

Нягледзячы на канцэнтрацыю рэзерваў, колькасць акупацыйных войскаў трымаецца на ўзроўні +/- 710 тысяч. Гэта дазваляе толькі пакрываць страты, але не ствараць магутны кулак для стратэгічнага прарыву. Маштабная мабілізацыя не праводзілася.

Тэндэнцыі вайны сведчаць: захапіць Данбас за гэты сезон ім не ўдасца. А перанесці вайну на 2027 год перашкодзіць эканоміка — праблемы там назапашваюцца, як сняжны камяк.

Калі чарговае наступленне захлынецца, прыйдзе разуменне, што пара дамаўляцца. Мой прагноз застаецца ў сіле: гэты момант настане вясной-летам 2026 года.

Дзяніс Паповіч, «Фэйсбук»