Колькі каштуюць цюльпаны напярэдадні Дня святога Валянціна ў Мінску

• 11.02.2026, 12:20

Цэны ўражваюць.

Паводле даных на 10 лютага, у Мінску ў сеткавых вялікіх гіпермаркетах, такіх як «Суседзі», Green і Еўраопт, цюльпанаў у наяўнасці не было. У кветкавых крамах — таксама не ўсюды. Паводле назіранняў «Салідарнасці», там, дзе яны ёсць, выбар невялікі, а кошт складае 5 рублёў за адну кветку.

У адной з гандлёвых кропак былі знойдзены цюльпаны, якія, як сказалі прадаўцы, «з беларускіх цяпліц». Па 4 рублі за штуку.

Тым часам напярэдадні 14 лютага ў Вільнюсе ў адной з найбуйнейшых гандлёвых сетак Maxima букеты цюльпанаў прадаюцца па акцыі за 4,19 еўра за 9 штук (гэта 47 цэнтаў за адзін). Ці па 4,99 еўра за 15 штук (33 цэнты за адзін). Прычым ужо некалькі дзён. Нарцысы, напрыклад, за 0,99 цэнтаў за 10 штук (гэта 10 цэнтаў за штуку).