У Беларусі вырашылі легалізаваць «пірацтва»

• 11.02.2026, 15:07

БТ будзе выкарыстоўваць чужую музыку без дазволу.

На беларускім тэлебачанні змогуць выкарыстоўваць музыку без згоды аўтараў, піша БелТА.

Так, прапанова аб наданні большых правоў беларускаму тэлебачанню была вынесена ў «палатку». У прыватнасці, прапанавана даць магчымасць на тэлебачанні свабодна выкарыстоўваць музычныя творы.

Фактычна гаворка ідзе пра выкарыстанне музычных твораў без згоды праваўладальнікаў і без выплаты ўзнагароды, што па сваёй сутнасці адпавядае прыкметам пірацтва. Падобная норма супярэчыць базавым прынцыпам аўтарскага права і можа прывесці да ўшчамлення інтарэсаў аўтараў і праваўладальнікаў.