Беларусы адкрываюць у Кіеве другі Цэнтр нязломнасці
- 11.02.2026, 17:57
Першы пункт падтрымкі ўжо не спраўляецца з колькасцю тых, хто мае патрэбу.
Калі Кіеў застаецца без святла і цяпла, увесь свет не застаецца абыякавым. Беларусы таксама не засталіся ўбаку.
11 лютага беларусы ўсталёўваюць другую палатку, бо першая ўжо не спраўляецца з колькасцю людзей, якім патрэбна дапамога, паведамляе дабрачынны фонд «Вільна Білорусь».
«Цэнтр нязломнасці — гэта месца, дзе ёсць святло, цяпло і падтрымка, дзе адчуваюцца салідарнасць і чалавечнасць.
Асабліва прыемна, што гэта ініцыятыва звычайных беларусаў.
Ад імя беларускай супольнасці Украіны выказваем шчырую падзяку Алене Жаркевіч і ўсім, хто дапамог рэалізаваць гэтую важную і патрэбную справу».