Мінабароны Украіны: сям'я вызваленага з палону Назара Далецкага не павінна вяртаць дзяржаве $350 тысяч

• 11.02.2026, 20:10

Сям'я атрымала выплату, бо вайсковец лічыўся загінулым.

Сям'я украінскага вайскоўца Назара Далецкага, які некалькі дзён таму вярнуўся з палону і з верасня лічыўся загінулым, не павінна вяртаць дзяржаве 15 мільёнаў грыўняў (каля $350 тысяч), заявілі ў Міністэрстве абароны Украіны.

У ведамстве паведамілі, што ў 2023 годзе ДНК-экспертыза ўстанавіла гібель Далецкага, пасля чаго адбылося пахаванне цела. Аднак маці вайскоўца адзначае, што цела прывезлі для пахавання, але родным яго не паказалі.

У Мінабароны адзначаюць, што сям'і вайскоўца выплацілі сродкі на падставе афіцыйна ўстаноўленых абставінаў і цяпер няма прававых падставаў для перагляду гэтага рашэння.

Там адзначылі, што патрабуюць дадатковага вывучэння абставінаў устанаўлення факту гібелі вайскоўца.