Да закупаў амерыканскай зброі для Украіны далучаецца ўплывовая краіна НАТА

• 11.02.2026, 20:24

Пра гэта паведаміў міністр абароны гэтай краіны.

Вялікабрытанія выдзяліла фінансавы пакет на набыццё амерыканскай зброі для Украіны. Краіна далучаецца да праграмы PURL.

Пра гэта ў каментарыі Politico заявіў міністр абароны Вялікабрытаніі Джон Хілі.

«Я рады пацвердзіць, што Вялікабрытанія выдзяляе 150 мільёнаў фунтаў стэрлінгаў (каля 205 млн долараў — рэд.) на PURL. Разам мы павінны забяспечыць Украіну крытычна неабходнай супрацьпаветранай абаронай у адказ на жорсткае наступленне Пуціна (расійскага дыктатара Уладзіміра Пуціна — рэд.)», — адзначыў Хілі.

Двое неназваных дыпламатаў НАТА паведамілі выданню, што на дадзены момант тры чвэрці з 32 членаў альянсу абавязаліся далучыцца да схемы.

Аўстралія і Новая Зеландыя таксама далучыліся, а Японія, як чакаецца, абвесціць аб прадастаўленні нелетальнай дапамогі.