Bloomberg: У вайне адбыўся паказальны пералом

• 12.02.2026, 11:23

Важна, каб Кіеў падтрымліваў гэтую дынаміку.

Цягам студзеня страты расійскіх войскаў на 9 тыс. перавысілі магчымасці РФ па папаўненні асабовага складу.

Пра гэта піша Bloomberg са спасылкай на заходніх чыноўнікаў.

Крыніцы выдання адзначылі, што ў студзені 2026 года расіяне не здолелі дасягнуць значных тэрытарыяльных поспехаў, нягледзячы на вялікія страты.

У снежні армія РФ страціла 35 тыс. чалавек, што прыблізна ўдвая перавышае сярэднемесячны паказчык 2025 года, разлічаны НАТА.

Bloomberg нагадвае, што міністр абароны Украіны Фёдараў вызначыў стратэгію, якая прадугледжвае ліквідацыю да 50 тыс. акупантаў на месяц. Украіна лічыць, што такі ўзровень страт ускладніць папаўненне войскаў без абвяшчэння дыктатарам Пуціным новай хвалі мабілізацыі.

Заходнія чыноўнікі кажуць, што ў снежні страты РФ прыкладна раўняліся колькасці навабранцаў, якіх удавалася набіраць штомесяц. Гэта сведчыць, што стратэгія Украіны, верагодна, прынесла пэўны поспех. Аднак яшчэ трэба ацаніць, ці зможа Кіеў падтрымліваць такую дынаміку.

Паводле слоў чыноўнікаў, пры цяперашніх тэмпах расійскім войскам спатрэбяцца яшчэ два гады, каб поўнасцю захапіць Данецкую вобласць.

Заходнія партнёры тлумачаць рост смяротнасці прагрэсам Украіны ў выкарыстанні беспілотных сістэм.