Беларуская лыжніца Ганна Каралева не трапіла ў топ-40 у лыжнай гонцы на Алімпіядзе-2026

• 12.02.2026, 18:52

Золата ў Фрыды Карлсан.

У чацвер, 12 лютага, у Італіі працягваюцца Алімпійскія гульні. У лыжніц прайшла гонка з раздзельным стартам на 10 кіламетраў. Сярод удзельніц была і беларуская спартсменка Ганна Каралева, якая выступае ў нейтральным статусе (AIN), піша betnews.by.

Перамогла прадстаўніца Швецыі Фрыда Карлсан. Яна прайшла дыстанцыю за 22 хвіліны 49,2 секунды.

На другім месцы яе суайчынніца Эбба Андэрсан, якая саступіла пераможцы амаль на 47 секунд. Тройку мацнейшых замкнула амерыканка Джэсіка Дыгінс.

Каралева ж паказала 45-ы вынік дня. Беларуска саступіла алімпійскай чэмпіёнцы 3 хвіліны 10,1 секунды.