WSJ: ЗША таемна пераправілі ў Іран тысячы тэрміналаў Starlink

• 12.02.2026, 21:49

У Іране адключаюць інтэрнэт падчас масавых пратэстаў.

Улады ЗША правялі таемную аперацыю па перапраўцы ў Іран тысяч спадарожнікавых тэрміналаў Starlink. Пра гэта паведамляе The Wall Street Journal са спасылкай на прадстаўнікоў адміністрацыі прэзідэнта Дональда Трампа. Па іх словах, мэтай аперацыі было забеспячэнне мясцовых дысідэнтаў доступам да інтэрнэту ў абыход уведзеных уладамі Ірана абмежаванняў.

Паводле дадзеных газеты, у Іран было ўвезена прыкладна 6 тыс. тэрміналаў. Гэта быў першы выпадак, калі ЗША непасрэдна займаліся ўвозам абсталявання Starlink у Іран. У цэлым, сцвярджаюць крыніцы газеты, Дзярждэпартамент ЗША набыў 7 тыс. тэрміналаў. Для гэтага прадстаўнікі адміністрацыі перанакіравалі частку сродкаў, раней прызначаных для падтрымкі іншых праектаў у Іране. Паведамляецца, што прэзідэнт Дональд Трамп быў у курсе таго, што адбывалася.