На мінскім праспекце скарацяць колькасць палос

• 13.02.2026, 2:52

З-за будаўніцтва метро.

На ўчастку праспекта Пераможцаў у Мінску з 13 лютага скарацяць колькасць палос руху, паведаміла сталічная ДАІ.

У сувязі з будаўніцтвам метро з вечара 13 лютага ўносяцца карэкціроўкі ў арганізацыю дарожнага руху па праспекце Пераможцаў на ўчастку ад вуліцы Мельнікайтэ да праспекта Машэрава.

Колькасць палос для руху транспарту скарачаецца з трох да двух у кожным кірунку.

Нагадаем, цяпер у Мінску працягваецца будаўніцтва трэцяй (зялёнай) лініі метро. Як паведамлялася ў кастрычніку 2025-га, у згаданым раёне скрыжавання вуліцы Мельнікайтэ і праспекта Пераможцаў прызналі нерацыянальным узвядзенне станцыі «Прафсаюзная». Найбліжэйшай новай станцыяй павінна стаць «Пярэспа».