Дроны паўторна атакавалі стратэгічныя заводы ў Валгаградзе

• 13.02.2026, 9:52

Пасля магутных выбухаў ўспыхнулі пажары.

У ноч на 13 лютага дроны паўторна атакавалі стратэгічныя аб'екты ў Валгаградскай вобласці Расіі. Пра гэта піша Диалог.UA пасля аналізу паведамленняў у сацсетках.

Жыхары Валгаграда сёння пачулі выбухі неўзабаве пасля поўначы. Мясцовы аэрапорт закрылі. У Валгаградзе зафіксавана некалькі пажараў пасля удараў БПЛА.

Губернатар Валгаградскай вобласці Андрэй Бачараў пацвердзіў, што ў ноч на 13 лютага стратэгічныя аб'екты гэтага рэгіёна сталі аб'ектам паветранай атакі.

Па яго словах, «вораг атакуе аб'екты прамысловай інфраструктуры». У Валгаградзе і ў Валгаградскай вобласці зафіксаваныя «падзенні абломкаў БПЛА на тэрыторыі некалькіх прамысловых прадпрыемстваў».

Мінабароны РФ сцвярджае, што ў ноч на 13 лютага над тэрыторыяй Расіі расійская СПА нібыта збіла 58 украінскіх дронаў. Пра сітуацыю ў Валгаградскай вобласці нічога не паведамляюць.

Нагадаем, учора, 12 лютага, ЗСУ нанеслі ракетны ўдар па арсенале ГРАУ (Галоўнага ракетна-артылерыйскага ўпраўлення Мінабароны РФ) каля пасёлка Котлубань у Валгаградскай вобласці.

Губернатар Андрэй Бачarau фактычна пацвердзіў гэтую інфармацыю, заявіўшы, што праводзіцца эвакуацыя жыхароў Котлубані. Пазней ракетны ўдар па ГРАУ каля Котлубані пацвердзіў і Генштаб ЗСУ. Ён паведаміў, што для знішчэння гэтага ваеннага аб'екта задзейнічалі шэсць украінскіх далёкабойных ракет «Фламінга».

Да гэтага, у ноч на 11 лютага, ЗСУ нанеслі ўдар дронамі па нафтаперапрацоўчым заводзе ў Валгаградзе. Пасля гэтага завод прыпыніў працу.