У выхадныя беларусаў чакае чарговае пахаладанне

• 13.02.2026, 18:02

Дарогі будуць слізкія.

У суботу, як ужо згадвалася раней, у тыле цыклона чакаецца адвекцыя арктычнага паветра і будзе назірацца адваротны сутачны ход тэмпературы, за выключэннем паўднёвага ўсходу. Гэта калі ноч цяплейшая за дзень, піша тэлеграм-канал «Метеовайб».

На працягу сутак ад -6°С на паўночным захадзе да +4°С на паўднёвым усходзе.

Да вечара ў паўночна-заходняй палове паніжэнне тэмпературы да -7..-13°C.

Вецер паўднёва-захадні з пераходам на паўночна-заходні, умераны, месцамі парывісты. Пад уплывам фронту аклюзіі месцамі невялікі снег, слабая завіруха.

Дарогі будуць слізкія.

Мінск: уначы 0..+2, удзень 0..-2, да вечара -6..-8°С, невялікі снег, слабая завіруха, на дарогах галалёдзіца.

У нядзелю пахаладанне працягнецца. Уначы мы апынёмся на паўднёвай перыферыі халоднага скандынаўскага антыцыклону.

Удзень на паўднёвую палову краіны будзе ўплываць паўднёвы цыклон з цэнтрам над Румыніяй. Яго фронт аклюзіі прынясе снег, слабую завіруху. Больш інтэнсіўныя снегапады магчымыя да вечара на паўднёвым усходзе.

Сумарная колькасць ападкаў на паўднёвым усходзе Гомельшчыны, паводле дадзеных мадэлі ECMWF, да раніцы панядзелка можа дасягнуць 7–10 мм.

Вецер паўночна-ўсходні, умераны, на паўднёвым усходзе месцамі парывісты.

На дарогах галалёдзіца.

Уначы -12..-17°С, на поўдні і паўднёвым усходзе -6..-11°С, месцамі -18..-23°С.

Удзень -6..-12°С

Мінск: уначы -13..-15°С, удзень -8..-10°С, без ападкаў.

Халоднае надвор'е захаваецца і ў пачатку наступнага тыдня. Да сярэдзіны тыдня павялічыцца верагоднасць ападкаў, а тэмпературны фон пачне павышацца.