Расіян разбілі на паўднёва-ўсходзе Пакроўска

• 13.02.2026, 14:40

ЗСУ знішчылі скупчэнне варожай тэхнікі.

Расійскія захопнікі паўторна спрабавалі сканцэнтраваць тэхніку і асабовы склад на паўднёва-ўсходзе Пакроўска Данецкай вобласці, але ўкраінскія абаронцы перашкодзілі гэтым спробам.

Адпаведнае відэа ў пятніцу, 13 лютага, было апублікавана ў Telegram-канале 7-га корпусу хуткага рэагавання Дэсантна-штурмавых войскаў (ДШВ) ЗСУ.

Паводле слоў байцоў, гэтую спробу зноў заўважылі ў раёне гаражнага кааператыву.

«І паўторна — 147-я артбрыгада 7-га корпусу хуткага рэагавання ДШВ разбіла праціўніка», — гаворыцца ў апісанні да відэа.

У выніку ўдараў па варожай групе было ліквідавана шэсць акупантаў. Таксама былі знішчаныя тры аўтамабілі і два квадрацыклы.