У Беларусі забаранілі восем расійскіх незамярзаек

• 13.02.2026, 14:50

Яны маглі справакаваць атручванне выпарамі метанолу.

Санітарна-эпідэміялагічная служба Беларусі падвяла несуцяшальныя вынікі праверак шклоамывальных вадкасцяў. На пачатак лютага 2026 года з 265 даследаваных узораў 37,7% утрымлівалі перавышэнне дапушчальнага ўзроўню метанолу.

Пад забарону трапілі восем незамярзаек расійскай вытворчасці:

- Ледоруб (-30С);

- Freedom -30C;

- Iris -30С;

- Autoexpress зимняя -30С;

- Blik -30С;

- Чистый обзор -30С;

- Путь (-20С) универсальная низкотемпературная;

- Sibiria -30 С.

Акрамя таго, прыпынена дзеянне пасведчання аб дзяржаўнай рэгістрацыі на шклоамывальную вадкасць Heinreich -15C.

Патрапляючы ў арганізм нават у невялікіх колькасцях, метанол ператвараецца ў таксічныя фармальдэгід і мурашыную кіслату, якія паражаюць цэнтральную нервовую сістэму і зрокавы нерв.

Найбольшай рызыцы вадзіцель і пасажыры падвяргаюцца ў замкнутай прасторы салона: пры дрэннай вентыляцыі, уключанай рэцыркуляцыі і працяглых паездках выпарэнні ядавітага спірту назапашваюцца да небяспечнай канцэнтрацыі.