Руттэ: Расія хоча здавацца мядзведзем, але яна — садовы слімак

• 13.02.2026, 16:59

Генеральны сакратар НАТА ўзгадаў пра страты Расіі на фронце.

Генеральны сакратар НАТА Марк Руттэ заявіў, што Расія імкнецца выглядаць як магутны мядзведзь у вайне супраць Украіны, але насамрэч яна — садовы слімак.

Пра гэта, як піша «Еўрапейская праўда», Руттэ сказаў на Мюнхенскай канферэнцыі па бяспецы.

Генеральны сакратар НАТА зноў узгадаў пра «ўражлівыя» страты Расіі на фронце. Паводле слоў Руттэ, у снежні мінулага года расіяне страцілі 35 тысяч жаўнераў, а ў студзені — 30 тысяч.

«Яны хочуць, каб мы ўспрымалі расіян як магутнага мядзведзя, але можна сказаць, што ва Украіне яны рухаюцца з хуткасцю садовага слімака. І не будзем пра гэта забывацца. Не будзем трапляць у пастку расійскай прапаганды», — заявіў ён.

Генеральны сакратар НАТА таксама ўзгадаў пра сустрэчу міністраў абароны краін Альянсу, якая адбылася 12 лютага, адзначыўшы, што ўбачыў «шырокую падтрымку» працягнення дапамогі Украіне.