«Белавія» запускае прамы чартар на трапічны курорт

• 13.02.2026, 19:38

Цяпер беларусы могуць дабрацца туды з некалькімі перасадкамі.

З 10 мая авіякампанія «Белавія» запускае чартарныя рэйсы па маршруце Мінск — Дананг, адзін з курортаў цэнтральнага В'етнама.

Час у дарозе складзе прыблізна 10–11 гадзін, рэйсы будуць выконвацца на далёкамагістральным Airbus A330−200. Цяпер беларусы могуць дабрацца да Дананга з некалькімі перасадкамі, правёўшы ў дарозе каля сутак.

Квіткі можна набыць у складзе турпакета.

Паводле звестак тураператара «Аэрабелсэрвіс», тур на дваіх у чатырохзоркавы гатэль са сняданкамі на 10–11 начэй на курорце цяпер каштуе амаль 3000 долараў.

Нагадаем, беларусы могуць ляцець у В'етнам без візы, калі іх знаходжанне ў краіне не перавышае 45 дзён.